পকামূৰীয়াৰ জ্ঞান..

পকামূৰীয়াৰ জ্ঞান…

আপুনি বয়স হৈলে বুদ্ধি হৈবে ভাল বুলি কথা এষাৰ আছে৷ বয়স বঢ়াৰ লগে লগে আমি কথাবোৰ বেলেগ ধৰণে চাবলৈ শিকোঁ৷ পকামূৰীয়াৰ কথালৈ কাণ দিবা বুলি এনেয়ে কোৱা হোৱা নাই৷ ক্লিভলেণ্ড, অ’হিওৰ ৰেজিনা ব্ৰেট নামৰ এগৰাকী ৯০ বছৰীয়া মহিলাই লিখা কেইটামান কথা ইয়াতে উল্লেখ কৰা হ’ল৷ জীৱনৰ অভিজ্ঞতাৰ আধাৰত লিখা এই সিদ্ধান্তখিনি সকলো ঠাইৰ সকলোলোকৰ ক্ষেত্ৰতে প্ৰযোজ্য হ’ব পাৰে বুলি ভাবিব পাৰি৷

১) জীৱনটো সুন্দৰ নহ’ব পাৰে, তথাপি ই ভাল৷

২) যেতিয়া সন্দেহ থাকে, পিছৰ সৰু খোজটো লওঁক৷

৩) জীৱনটো ছুটি-ইয়াক উপভোগ কৰক৷

৪) আপুনি ৰোগত পৰিলে আপোনাৰ চাকৰিয়ে আপোনাৰ যত্ন নলয়৷ আপোনাৰ বন্ধু আৰু আত্মীয়-স্বজনেহে ল’ব৷

৫)আপুনি প্ৰতিটো তৰ্ক জিকাৰ প্ৰয়োজন নাই৷ নিজৰ প্ৰতি নিষ্ঠাবান হৈ থাকক৷

৬) আন কাৰোবাৰ সৈতে কান্দক৷ অকলে কন্দাতকৈ ই বেছি সুস্থতা প্ৰদান কৰে৷

৭)কেতিয়াবা ঈশ্বৰৰ প্ৰতি খং উঠিলেও ঠিকে আছে৷ তেওঁ সেইখিনি সহ্য কৰিব পাৰে৷

৮) আপোনাৰ প্ৰথম দৰমহাৰ দিনৰ পৰাই অৱসৰৰ সময়ৰ বাবে সঞ্চয় কৰক৷

৯) চকলেটৰ ক্ষেত্ৰত নিজক বাধা দিবলৈ চেষ্টা কৰি লাভ নাই৷

১০)আপোনাৰ অতীতৰ সৈতে মিত্ৰতা কৰক যাতে ই আপোনাৰ বৰ্তমানটো নষ্ট নকৰে৷

১১) আপোনাৰ ল’ৰা-ছোৱালীয়ে আপোনাক কন্দা দেখিলে একো ডাঙৰ কথা নহয়৷

১২) আপোনাৰ জীৱনটো আনৰ সৈতে তুলনা নকৰিব৷ তেওঁলোকৰ যাত্ৰা কেনেকুৱা আছিল আপুনি বিশেষ একো নাজানে৷

১৩)যদিহে কোনো এটা সম্বন্ধ গোপন কৰি ৰাখিব লাগে আপুনি তেনে সম্বন্ধ নকৰাই ভাল৷

১৪) সকলো চকুৰ পচাৰতে সলনি হ’ব পাৰে, কিন্তু চিন্তা নকৰিব ঈশ্বৰে চকুৰ পিৰিকতি নামাৰে৷

১৫) দীঘলকৈ উশাহ এটা লওক৷ ই মনটো শান্ত কৰে৷

১৬) যিবোৰ প্ৰয়োজনীয় নহয় সেইবোৰৰ পৰা মুক্ত হওঁক৷ বোজাই আপোনাৰ গতি লেহেম কৰি পেলায়৷

১৭) যিবোৰ বিষয় বা কথাই আপোনাক মাৰি নেপেলায় সেইবোৰে আচলে আপোনাক শক্তিশালীহে কৰে৷

১৮) সুখী হোৱাৰ সময় কেতিয়াও পাৰ হৈ যোৱা নাই কিন্ত তাৰ সিদ্ধান্ত আপোনাৰ হাতত, আনৰ হাতত নাই৷

১৯) আপোনাৰ জীৱনত ভালপোৱা বিষয়টো পোৱাৰ ক্ষেত্ৰত “নাই” বা “নহব” টো উত্তৰ হিচাবে গ্ৰহণ নকৰিব৷

২০) মমবাতি জ্বলাওঁক, সুন্দৰ বিচনা চাদৰ পাৰক, ভাল কাপোৰযোৰ পিন্ধক৷ কোনো বিশেষ দিনৰ বাবে সাঁচি নাৰাখিব৷ আজিৰ দিনটোৱেই বিশেষদিন৷

২১) আপোনাৰ জীৱনত ঘটা যিকোনো “দুৰ্যোগ”ৰ বিষয়ে এনেদৰে ভাবক “ আৰু পাঁচবছৰ পাছত ইয়াৰ কিবা গুৰুত্ব থাকিবনে?”

২২) সদায় জীৱন বাছি লওঁক

২৩) ক্ষমা কৰক

২৪) আনে আপোনাৰ বিষয়ে কি ভাবে সেইটোলৈ মূৰ নঘমাব৷

২৫) সময়ে প্ৰায় সকলোবোৰ সুস্থ কৰে৷

২৬) এটা পৰিস্থিতি যিমানেই ভাল বা বেয়া নহওঁক কিয়, সি সলনি হ’বই৷

২৭) নিজক ইমান গুৰুত্বসহকাৰে নল’ব, আন কোনেও আপোনাক ইমান গুৰুত্বসহকাৰে নলয়৷

২৮) ঈশ্বৰে আপোনাক নিজ গুণে ভাল পায়, আপুনি কৰা বা নকৰা কিবা কামবোৰৰ বাবে নহয়৷

২৯)জীৱনৰ জমা-খৰচ কৰি লাভ নাই, নিজকে আগবঢ়াই দি এতিয়াই ইয়াৰ পৰা লাভ উঠাওক৷

৩০) আপোনাৰ সন্তানৰ বাবে শৈশৱকাল এবাৰেই আহে৷

৩১) অৱশেষত সকলোতকৈ প্ৰয়োজনীয় বিষয় সেইটোৱেই হয়গৈ যিটো আপুনি ভাল পায়৷

৩২) সদায় বাহিৰ ওলাই যাওঁক৷ আচৰিত ঘটনা সকলোপিনে ঘটিবলৈ বাট চাই আছে৷

৩৩) যদি আমি সকলোৱে আমাৰ নিজৰ নিজৰ সমস্যাবোৰ দ’ম কৰি লওঁ আৰু আনৰ দ’মবোৰলৈ চাওঁ, আমি নিজৰখিনি পুনৰ উভতাই ল’ম৷

৩৪) ঈৰ্ষা কৰা মানে অযথা সময় খৰচ৷ আপোনাৰ যি আছে তাকে গ্ৰহণ কৰক, আপোনাক কি লাগে নাভাবিব৷

৩৫)উত্তমখিনি এতিয়াও আহিবলৈ বাকী..

৩৬) আপোনাৰ মানসিক অৱস্থা যেনেকুৱাই নহওঁক কিয়, উঠক, সাজ-পোচাক পিন্ধক আৰু নিজকে প্ৰকাশ কৰক৷

৩৭) মানি লওঁক৷

৩৮) জীৱনটো সুন্দৰ ভাৱে সজোৱা নহ’ব পাৰে৷ তথাপি ই এটা উপহাৰ৷

আমাৰ জীৱনটো আমাৰ৷ ইয়াক ভালদৰে উপভোগ কৰা নকৰাৰ সিদ্ধান্তও আমাৰ৷ ইয়াক ভালদৰে ব্যৱহাৰ কৰাৰ সময় উকলি কেতিয়াও নাযায়৷