বাৰে ভচহু লিমাৰিক...

১)
ভয়ানক বেটচমেন চাৰ ক্ৰিচ গেল
অকলেই জিকাই দিব পাৰে খেল
দাঁত চেলোৱা হাঁহি, বলাৰে দেখে ত্ৰাহি
বাকী বেটচমেন শুৱে নাকত দি তেল৷



২)
সকলোতকৈ ওখ অমিতাভ বচ্চন
কোন বনেগা খেলি ঘটে বহু ধন
মুখৰ পকা দাড়ি, হাঁহে লাৰি লাৰি
হটচীটত বহা জনে বুজি নাপায় মন৷

৩)
শশীন ৰমেশ টেন্ডুলকাৰ
আমাৰ ক্ৰিকেট চুপাৰস্টাৰ
চল্লিশ বছৰ হ'ল, মাত একেই ৰ'ল
মাৰিবলৈহে পাহৰি গ'ল চিক্সাৰ৷







৪)
আমাৰ কেপ্টেন মহেন্দ্ৰ সিং ধোনী
দীঘলীয়া চিক্সাৰ মাৰে গণি গণি
হেলিকপ্তাৰ চট, মাৰে ফটাফট
সেয়ে হয় সকলোৰে নয়নৰ মণি৷





৫)
প্ৰবাসত থকা মাখন লাল দাস
বহুদিন ধৰি খাটিছে বনবাস
ফেচকুকত বহি, থাকে অন্তৰ দহি
অসমলৈ ওভটাৰ নেদেখি কোনো আশ৷